[AbuNawaf] خدمات مميزة من جوجل

مجموعة ابو نواف رسائل المجموعة ملتيميديا وصلات خارجية الاعضاء إحصائيات خدمات مميزة من جوجل كاتب الموضوع : فديتك ياغلاتي بريد العضو : fun_world_88@hotmail.com للتعليق ولمشاهدة الموضوع بشكل افضل : http://www.abunawaf.com/post-8441.html مواضيع جديدة وحصرية على شبكة أبو نواف: تصوير : خمسون سنة او اكثر والباب مفتوح قصيدة : عالم طفولتنا وَ بـِ تمضِي رحلةُ الدنياْ ... بليا طلة عيونكَ ! صور منوعة من تصويري من أين لك هذا ؟ الموسم السادس السلام عليكم ورحمة الله وبركاته حيا الله قروب ابو نواف شخباركم ؟وكيف الاجازه معاكم؟ ان شاء الله الكل ناجح ومبسوط , ما فقدتوني < ياشيخه محد درى عنك ههه باركولي تخرجت من قسم الحاسب الآلي بالجامعة متخرجة سنة 2009 الحمد لله عقبالكم... والله الله بالهدايا الكشخة< برى اليوم راح اتكلم عن جزء من الخدمات اللي تقدمها جوجل لمستخدميه وهي خدمات رائعه جدا وسهلة الاستخدام حتى للمبتدئين … خدمة اليوم من جوجل هي جوجل ديسكتوب او بالعربي سطح المكتب وهي برنامج صغيرون تحطه على سطح المكتب ويكون موجود في احد الجهات على السطح اما يمين او يسار حسب لغة جهازك . زي ماهو موضح بالصورة اول خطوة هي أن تنزل البرنامج من جوجل وحجمه جدا صغير مايتعدى 500 كيلو بايت http://desktop.google.com/ اول مابتنزل وتعمل له تشغيل ,تلقائيا راح تلقاه على سطح المكتب ومنه تغير الاعدادات موجود ثلاث ازرار في دوائر فوق , في الصورة الدائريه الي جوتها مثلث تقدر تغير منها الاعدادات وراح تطلع لك قائمة , روح لخيارات او اوبشن الانجلش لو ضغطت على Addgadget تطلع لك الشاشة التالية , ومنها تقدر تضيف جادجيت او ادوات جديده حسب رغبتك وراح اشرح بعض الادوات الي ممكن تلاقيها وانا صراحة استخدمها واشوف انها مفيده جدا , لكن كل واحد حسب رغبته يقدر يحذف ويضيف له Clock الساعه , وهذه الساعه ظريفة و اجمل مافيها ان خلفيتها هي خريطة الكره الارضية والمكان الي انت متواجد فيه ويتغير ليل ونهار حسب الوقت عندك اللوكيشن : جدة Arabic hijri تعرض لك التاريخ الهجري بالشهر واليوم و السنة H-dock بعض الادوات ممكن تجيبها في أي مكان على سطح المكتب وهذه الشريط فيه ايقونات للبرامج الي تستخدمها بشكل دائم , وممكن تعدل هالقائمة مثل ماتبي اول ماتضغط مره وحده على ايقونة راح يشتغل البرنامج To do list قائمة مهامك Windows shut down هذه الاداة مررره حلوه , لانك تحط وقت تخلي جهازك يطفي من حاله في ذا الوقت . يعيني تخلي جهازك يعتمد على نفسه لو تبيه الساعه 11 مساء يطفي , بس تحط الوقت وتروح تخرج برى, وهو اول ماتجي الساعه 11 راح يطفي . Daily Teaching – The secret هذه اداه لكتاب السر , ومن أجمل الكتب الي قرات لحد الان .انصح الجميع بقرآته . والي يبي يعرف اكثر عن الكتاب هذا الموقع الرسمي Answer ball طبعا هالاداه مو ضروريه بس انا حاطتها استهبال هههه < لايكثر.ر هي كوره عاديه تسألها سؤال وتقولها اسوي هالشي والا لا ؟, وترجها وبعدين يطلع لك لجواب من الشاشة الموجوده عليها . يانعم يا لا او احيانا تهاوشك Virtual Flower Pot-Google. واخيرا وليس باخر مزهريتي هذه كل يوم لازم تسقيها عشان تكبر وتزهر,والا تموت لا صدق ما امزح , اذا مريت بالموشر عليه ينزل مطر جربوا وشوفوا وهذا ملف التحميل لكل الي شرحته فوق بالاضافه الى اني حطيت بعض الادوات الي ماشرحته . اترك لكم حرية تجربتها بانفسكم . ملف التحميل خدمات جوجل الأخرى والحين ودي ألقي الضوء بشكل سريع على بعض الخدمات الأخرى من جوجل والي اكتشفت ان كثير ما يعرفون عنها ولا سمعوا عنها ... الملفات هالخدمة جدا ممتازه كانك قاعد تستخدم مايكروسوفت اوفيس ان لاين احيانا انا استخدمه اذا وصلني ملف اوفيس 2007 وان الي عندي 2003 ,, غالبا يكون صعب ترد على المرسل وتقوله ارسل الملف مره ثانية خصوصا اذا كان الملف مهم ومايباله تاخير , ترفع الملف على جوجل ويفتح لك وممكن بعد تحفظه على جهازك بالنسخة الي تبي . ويكون مفيد اكثر اذا كنت تحتاج بعض ملفاتك لو كنت خارج البيت , وما عندك نسخه من ملفاتك , تروح لجوجل ويجيب لك ملفك الي تحتاجه ,, فللله صح هههههه الكتب تبحث عن اسم أي كتاب تبيه او موضوع معين . او تبي تعرف معلومات عن أي كتاب او نبذه .. باختصار مكتبة الكترونية . الترجمة يترجم لك أي كلمة من أي لغه الى أي لغه تختارها. وممكن يترجم لك نص كامل او صفحة ويب او موقع بأكملة. المجموعات خدمة الجروبات , والي موخرا جروب أبو نواف حول جروبه عليها .. البحث في المدونات خدمة البلوج او المدونات , تبحث عن أي مدونة واي موضوع بالمدونات . Chrom متصفح جوجل الجديد وهو جدا خفيف وسهل الاستخدام. وكل يوم جوجل تضيف له مميزات اكثر. الباحث العلمي تبحث عن أي مقالة علمية أو بحث علمي , خصوصا اذا كنت تبي تسوي بحث ومحتاج عنه معلومات موثوقة . للتعرف على خدمات جوجل الاخرى من هنا وبكذا خلص موضوعي ,وأتمنى أني أفدتكم وكان الموضوع خفيف الظل ... شكرا لكم ولوقتكم الثمين .... انتظر تعليقاتكم وانتقاداتكم البناءة .... __________________ "اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت" تقبلو تحيات اختكم فديتك يا غلاتي للتعليق على الموضوع او مشاهدة التعليقات الاخرى : http://www.abunawaf.com/post-8441.html عدد المنتسبين لجروب أبو نواف : 524,382 للاشتراك في قروب أبو نواف ضع بريدك هنا للمشاركة قم بإرسال مشاركتك على البريد التالي : abunawafgroups@yahoo.com شاهد في اقسام الملتيميديا أيضا ويلوح بيديه الـ... الأكاديمي عار سكران قيمتة 6 مليون بس وش تتوقع صار له ؟؟ اقسام الملتيميديا العاب فلاش | ملفات | مقاطع بلوتوث | صوت | صور | فلاش | مقاطع فيديو | منوعات مواضيع أخرى لكاتب الموضوع فديتك ياغلاتي الجزء الثاني : تصفح دلع مع فايرفوكس وبس تصفح دلع مع فايرفوكس وبس .. !! اخر عشر مواضيع ارسلت للمجموعة صور : المجالس القديمة..وفن الزخرفه النجدية تصوير : خمسون سنة او اكثر والباب مفتوح قصيدة : عالم طفولتنا خفايف تعدل مزاجك ! اولا قد علمت .. اذن فابدا العمل (1) تقرير مصور رحلتي إلى لبنان (لبنان لما تزهر ) وَ بـِ تمضِي رحلةُ الدنياْ ... بليا طلة عيونكَ ! صور منوعة من تصويري من أين لك هذا ؟ الموسم السادس وجهات النظر .. صواب الاختلاف شبكة ابو نواف2000-2009 قوانين الشبكة • الخلاصات RSS • الملف الصحفي

--~--~---------~--~----~------------~-------~--~----~
لقد تلقيت هذه الرسالة لأنك مشترك في‏ مجموعة أبو نواف البريدية.
- للاشتراك في هذه المجموعة قم بإرسال بريد إلكتروني إلى : abunawaf+subscribe@googlegroups.com
- لإلغاء الاشتراك في هذه المجموعة، قم بإرسال بريد إلكتروني إلى : abunawaf+unsubscribe@googlegroups.com
- لارسال مشاركتك للمجموعة قم بإرسالها الى هذا البريد : abunawafgroups@yahoo.com
-~----------~----~----~----~------~----~------~--~---